ओहायोको रेनल्ड्सबर्गमा भुटानी-अमेरिकन म्युजिक एसोसिएसनको वार्षिक साधारण सभा २०२४ सांगीतिक माहोलमा हुँदै
भुटानी-अमेरिकन म्युजिक एसोसिएसनको वार्षिक साधारण सभा २०२४ ओहायोको रेनल्ड्सबर्गमा विभिन्न ब्याण्डको प्रस्तुति सँगै भव्य कार्यक्रमको साथमा आउँदो नोभेम्बर २३ मा हुने भएको छ।
यस कार्यक्रममा बन्द सत्रअघि नेपाली गीत-संगीतलाई प्रोत्साहन पुर्याउने उद्देश्यले अमेरिकामा रहेका चार वटा ब्याण्डहरू ड्रुक फ्युजन ब्याण्ड, द स्पर्श, रिफ रिभोलुसन, र चौतारी ब्याण्डको लाइभ प्रस्तुति रहनेछ, साथै सामाजिक कार्यमा योगदान पुर्याउने विशेष व्यक्तिहरूलाई सम्मान कार्यक्रम पनि रहनेछ भनी संस्थाका सचिव विष्णु रामदामले जानकारी दिनुभएको छ।
पूर्ण रूपमा भुटानी समुदायका कलाकारहरू र महत्वपूर्ण व्यक्तिहरूको उपस्थिति रहने यस कार्यक्रमसँगै संस्थाको ४ वर्षको कार्यकाल पूरा गरेको समितिलाई विघटन गर्दै नयाँ समिति चयन हुनेछ। ओहायोको रेनल्ड्सबर्ग, ६९५४ पार्कवे, ४३०६८ मा यस कार्यक्रम सम्पन्न हुनेछ।
