पथरी । पथरी शनिश्चरे -१० स्थित हिरक आधारभुत बिधालयले ३६ औ वार्षिकोत्सव तथा स्मृति अक्षय कोष पुरस्कार बितरण कार्यक्रम २०८१ सम्पन्न गरेको छ । सेजल एण्ड सिस्टर फाउण्डेसनको मुख्य आर्थिक सहयोग रहेको यस कार्यक्रममा नगर प्रमुख मोहन प्रसाद तुम्बापो प्रमुख अतिथिको रुपमा सम्बोधन गर्दै आफुले आफ्नो घर भन्दा नि बिधालयको छाना धेरै लगाएको स्मरण गराउनुहुँदै बिधालय राम्रो बनाउन सबै पक्षको महत्वपूर्ण भूमिका रहने उल्लेख गर्दै कार्यक्रम सफलताको शुभ कामना प्रकट गर्दै यस बिधालयलाई ४ जना शिक्षक गएको ६ साल देखि प्रदान गर्दै आएको संस्था प्रति सम्मान गर्दै बिधालयले मुख्य सहयोगी संस्थाको रुपमा लिदै तयार गरेको शिला लेखलाई पाठ गर्नु भएको थियो ।
कार्यक्रम बिशिष्ठ अतिथिको रुपमा वडा अध्यक्ष जीवन खतिवडा , नगर शिक्षा तथा खेलकुद शाखा प्रमुख नबिन खुलाल , भुटनिज शिविर सचीव करण राई अतिथिहरुमा , कार्यापालिका सदस्य मिन योन्जन तामाङ , इन्ट्रा फाउण्डेसनबाट राम कुमार बानिया , ग्लोबल भुटनिज अर्गनाइजेसन द्वारा टिका अधिकारी , भुमेट्स अध्यक्ष मोहन गौतम अष्ट्रेलिया , समाजसेबी प्रदिप कुमार राई लगायत अन्य अतिथिहरु र अभिभावकहरुको उपस्तिथीमा कार्यक्रम भब्यताको साथ सम्पन्न भएको छ ।
कार्यक्रममा अक्षय कोष दाताहरु , पूर्व बिधालय ब्यवस्थापन समितिको अध्यक्षहरु , पूर्व शिक्षकहरुलाई सम्मान साथै अन्य स्मृति अक्षय कोषको बिधागत पुरस्कार बिद्यार्थीहरुलाई प्रदान गरिएको छ । यसै कार्यक्रमको अवसरमा पूर्व संचारकर्मी हाल अमेरिकामा हुनुहुने लोक बहादुर चौहानको परिवार द्वारा रु ५१ हजार १ सय ११ , स्थानिय समाजसेबी प्रेम ढकाल द्वारा रु ५१ हजार १ सय ५१ रुपैया र बिधालय ब्य्वस्थापन समितिका अध्यक्ष सुमन कुरुम्बाङको परिवारको तर्फबाट रु ५१ हजार १ सय ५१ रुपैया अक्षय कोषमा जम्मा गरिएको छ । उहाहरुले आफ्नो स्वर्गवास हुनुभएका अभिभावकहरुको स्मृतिमा कोष खडा गर्नुभएको छ ।
बिबिध कार्यक्रम सँगै सांस्कृतिक कार्यग्रम अन्तर्गत २० वटा गीतहरुमा बिद्यार्थीहरुले एकल र सामुहिक नृत्यहरु प्रस्तुत गरेका छन । कार्यक्रममा युवा समाजसेबी द्वय बिनम राई र राम बानियालाई पनि बिधालयलाई दिएको योगदान प्रति सम्मान गरिएको छ ।
