२३ बैशाख, झापा । पथरी शनिश्चरे क्याम्पमा विश्व वातावरण दिवसको अवसरमा वृक्षारोपण कार्यक्रम गरिएको छ ।
विश्व पर्यावरणप्रति वैश्विक स्तरमा राजनीतिक र सामाजिक जागृति ल्याउने उद्देश्यले संयुक्त राष्ट्रको आह्वानमा सन् १९७३ देखि विश्व वातावरण दिवस मनाउन सुरु गरिएको थियो ।
यस कार्यक्रममा पथरी शनिश्चरे -१० का वडा अध्यक्ष जीवन खतिवडा, क्याम्प सचीव करण राई, एल डब्लु एफका सन्तोष चौधरी, नेपाल सशस्त्र प्रहरी बेश क्याम्पका लक्ष्मण महत साथै भुटानी महिला मन्च र बि. आर. सि. एफ लगायत क्याम्प व्यवस्थापन समितिका सम्पूर्ण पदाधिकारीहरुको उपस्तिथिमा वृक्ष रोपण गरिएको हो ।
शिविर व्यवस्थापन समितिको कार्यालयको प्राङ्गणमा ४५ जनाको उपस्तिथिमा बिरुवा रोपिएको हो । सोही कार्यक्रम बेलडाङ्गी क्याम्पमा गरिने आयोजकले जनाएको छ । व्यवस्थापन समितिले वार्षिक रुपमा उक्त कार्यक्रम निरन्तर गर्दै आएको छ ।
