प्रधानमन्त्री नरेन्द्र मोदीले भुटानी समकक्षी छिरिङ तोब्गेको अर्को साता भुटान भ्रमणको निमन्त्रणा स्वीकार गरेको भारतीय विदेश मन्त्रालयले शुक्रबार जनाएको छ। भुटानका प्रधानमन्त्री छिरिङ तोब्गे औपचारिक भ्रमणमा भारतमा छन्, जुन फेब्रुअरी २०२४ मा पदभार ग्रहण गरेपछि उनको पहिलो विदेश भ्रमण हो। प्रधानमन्त्री मोदीले बिहीबार नयाँ दिल्लीमा भुटानका प्रधानमन्त्री दाशो छिरिङ तोब्गेसँग भेट गरेका थिए। भुटानका राजाका तर्फबाट प्रधानमन्त्री छिरिङ तोब्गेले प्रधानमन्त्री मोदीलाई अर्को हप्ता भुटान भ्रमणको निमन्त्रणा दिएका हुन।
X मा एक ट्वीट गर्दै, प्रधानमन्त्री नरेन्द्र मोदीले आफ्ना साथी र भुटानका प्रधानमन्त्री दाशो छिरिङ तोब्गेलाई भेट्न पाउँदा खुसी व्यक्त गरेका छन । भुटानका प्रधानमन्त्रीलाई बिहीबार विमानस्थलमा केन्द्रीय उपभोक्ता मामिला राज्यमन्त्री अश्विनी चौबेले स्वागत गरेका थिए । परराष्ट्र मन्त्रालयका प्रवक्ता रणधीर जैसवालले आफ्नो भ्रमणले दुई देशबीचको मित्रताको सम्बन्धको प्रमाण भएको बताएका छन। भुटानका प्रधानमन्त्रीका साथमा परराष्ट्र तथा विदेश व्यापारमन्त्री, ऊर्जा तथा प्राकृतिक श्रोत मन्त्री, उद्योग, वाणिज्य तथा रोजगार मन्त्री र भुटानको शाही सरकारका वरिष्ठ अधिकारीहरु सहभागी भएका थिए। भारत र भुटान सबै तहमा विश्वास, सद्भावना र पारस्परिक समझदारीमा आधारित मित्रता र सहयोगको अनुकरणीय सम्बन्धको रूपमा लिएका छन।
