प्याजेन्ट नेपाल इन्टरनेश्नलले आयोजना गरेको फेशन मोडल अवार्डमा मौफसलको टप फाइब कोरियोग्राफरका रुपमा छनौट भएका छन् । झापा मेचीनगरका प्रणित पुडासैनी ।
आगामी श्रावण २३ गते काठमाडौमा हुने अवार्ड कार्यक्रमको नोमिनेसनमा उनी पर्न सफल भएका हुन् । उनले बिगत पाँच बर्ष देखि झापामा इभेन्ट म्यानेजमेन्ट, कोरियोग्राफी तथा रयाम्प निर्देशन गर्दै आएका छन् । अवार्ड जित्नका लागि उनले भोटको अपिल गरेका छन् । जसका लागि मोवाइल मार्फत PN 33A टाइप गरि 33001 मा पठाउनु पर्ने हुन्छ ।
सो फेशन एण्ड मोडल अवार्डको नोमिनेशनमा पुर्व मिस नेपालहरु सुगारीका केसी, माल्भिका शुब्बा, मिस्टर मोडल अफ दि वल्र्ड दिक्पाल कार्की सहित अन्य चर्चीत व्यक्तिहरुको नाम समावेश छ । टप फाइब कोरियोग्राफरमा पर्दै नोमिनेशनमा पर्ने पुडासैनी झापाका पहिलो कोरियोग्राफर हुन् । उनी प्रबन्ध निर्देशक रहेको कम्पनी ड्म्स वल्र्ड इन्टरटेण्टमेन्ट समेत मौफसलको टप फाइब इभेट म्यानेजमेन्ट कम्पनी बन्दै नोमिनेशनमा परेको छ । पुडासैनी सञ्चारकर्मी समेत हुन । त्यसैगरी इमरजिंग फेशन डिजाइनरका रुपमा झापा बिर्तामोडका बिवेश राई समेत नोमिनेशनमा परेका छन् ।
