२ असार झापा । झापाको महारानीझोडा साना किसान कृषि सहकारी संस्थाले १३ गरीब तथा जेहेन्दार विद्यार्थीलाई कक्षा १० सम्म आवश्यक पर्ने शैक्षिक सामग्री निरन्तर प्रदान गर्ने कार्यक्रमको आइतबारबाट शुभारम्भ गरेको छ । सहकारीमा आबद्ध शेयर सदस्यका छोराछोरीलाई लक्षित गरी गौरादह–५ मा रहेको स्कूलचौन माध्यमिक विद्यालयबाट सो कार्य शुरु गरिएको हो ।

प्रतिविद्यार्थीलाई एक वर्षमा रु सात हजारसम्म खर्च लाग्ने अनुमान गरिएको छ । छनोटमा परेका विद्यार्थीको सबै खर्च एसइई नदिएसम्म सहकारीले नै व्यहोर्नेछ ।  एक हजार ९४३ महिला सदस्य मात्र रहेको सहकारीले कृषि परियोजनासमेत सञ्चालन गर्दै आएको छ । सहकारीले प्रत्येक वर्ष उत्कृष्ट विद्यार्थीलाई पुरस्कृत, सामुदायिक विद्यालयको शिक्षाको गुणस्तर सुधार अभियान तथा अतिरिक्त क्रियाकलापसमेत सञ्चालन गर्दै आएको छ