नासों गाउँपालिका–५, थोंचेस्थित प्रकाशज्योति माविका प्रधानाध्यापक पद्मराज पन्थीका अनुसार फागुन १ गतेबाट भर्ना अभियान सुरु भएको छ । उनले चालु शैक्षिक सत्रदेखि विद्यालयलाई आवासीय बनाउनेतर्फ लागेको बताए । मनाङको तल्लो क्षेत्रमा कक्षा १२ सम्म पठनपाठन हुने प्रकाशज्योति मात्रै विद्यालय हो । तालको भानु माविमा कक्षा १० सम्म पढाइ हुन्छ । तल्लो मनाङस्थित स्रोतव्यक्ति रामजी पन्तले पठनपाठन सुरु भइसकेको बताए । ‘गएका वर्षभन्दा १५ दिनअगावै पठनपाठन थालेका छौं । फागुन १५ पछि मात्रै पठनपाठन हुने गरेकोमा यस पटक छिट्टै पठनपाठन सुरु भएको हो,’ उनले भने ।