भारतीय र्यापर बादशाह अब बलिउड फिल्ममा डेब्यू गर्ने तयारीमा छन् । बादशाहका साथ अभिनेत्री सोनाक्षी सिन्हा, वरुण शर्मा र अन्नु कपूर हुनेछन् ।
अहिले नाम सार्वजनिक नगरिएको यस फिल्मको छायांकन फेब्रुअरी ११ देखि सुरु भएको छ । भारतीय ट्रेड एनालिष्ट तरण आदर्शले उनको ट्वीटरमार्फत यस कुराको जानकारी दिएका छन् ।
बदशाहको अभिनय रहने यस फिल्मको निर्माण भूषण कुमार, महावीर जैन, मृगदीप सिंह लाम्बाले गरिरहेका छन् । फिल्मको निर्देशन शिल्पी दास गुप्ताले गर्नेछन् ।
बादशाहले उनको गायकी करियरको सुरुवात हनी सिंहका साथ सन् २००६ मा गरेका थिए । सन् २०१२ मा बादशाह हनी सिंहसँग छुट्टिएर हरियाना भाषाको गीत ‘कर गई चुल’ गाएर चर्चित भएका थिए । यो गीतलाई पछि सन् २०१६ मा रिलिज भएको फिल्म ‘कपूर एण्ड सन्स’ मा राखिएको थियो ।
What’s your Reaction?
+1
+1
+1
+1
+1
+1
