एएफसी च्यालेन्ज लिग प्लेअफ फुटबलमा पारो एफसी बिजयी भएको छ। काठमाडौंको त्रिपुरेश्वरस्थित दशरथ रङ्गशालामा सोमबार सम्पन्न खेलमा भुटानी क्लब पारो एफसीले नेपाली क्लव चर्च ब्वाइजलाई २/१ गोलको अन्तरबाट पराजित गरेको हो ।खेलको ३८औँ मिनेटमा चर्च ब्वाइज युनाइटेडका लाकेन लिम्बुले गोल गरेर अग्रता लिएका हुन। तर चर्च ब्वाइजको अग्रता लामो समयसम्म टिक्न सकेन । त्यसको दुई मिनेटमै अर्थात् ४०औँ मिनेटमा पारोका लागि किङ्गा वाङ्चुकले बराबरी गोल फर्काउँदै खेल बराबरीमा ल्याए । मध्यान्तर पछि पारोले थप एक गोल गरेपछि विजयी हुन सफल भएको हो।