संयुक्त राष्ट्रसंघको आणविक कार्यक्रम हेर्ने ‘अटोमिक वाचडग’ एजेन्सीले उत्तर कोरियाले अझै आणविक कार्यक्रम रोक्ने काम नगरेको बताएको हो । सोमबार सार्वजनिक गरिएको इन्टरनेसनल एटोमिक इनर्जी एजेन्सीको रिपोर्टले प्रत्यक्ष पहुँच नभए पनि स्याटेललाइटबाट लिइएको तस्बीरबाट उत्तर कोरियाको आणविक क्षेत्रहरुको निगरानी भइरहेको जनाएको छ ।
रिपोर्टले उत्तर कोरियाको याङब्योन न्युक्लियर सेन्टिफिक रिसर्च सेन्टरमा आणविका विकासका गतिविधि गरिरहेको बताएको छ । अमेरिकाका विदेशमन्त्री माइक पम्पियोले गएको जुलाईमा उत्तर कोरियाले अझै आणविका कार्यक्रम सञ्चालन गरिरहेको बताएका थिए ।
सोमबार अमेरिकी राष्ट्रपति डोनाल्ड ट्रम्पले समाचार संस्था रेउटर्ससँगको अन्तर्वातामा आणविका कार्यक्रम स्थागित गर्न उत्तर कोरियाका नेता किमसँग अर्को वार्ता हुने बताएका थिए । तर उनले बार्ता कहाँ र कहिले हुन्छ भनेर खुलाएका थिएनन् । अन्तरवार्तामा ट्रम्पले आफूले उत्तर कोरियाको आणविका कार्य रोक्ने बताएका थिए ।
गएको जुनमा सिंगापुरमा भएको राष्ट्रपति ट्रम्प र उत्तर कोरियाली नेता किम जोन उनबीचको बार्तापछि उत्तर कोरियाले आणविक कार्य रोक्ने बताएको थियो । उत्तर कोरियालाई आणविक कार्य रोक्न दवाव स्वरुप अन्तर्राष्ट्रिय नाकाबन्दी समेत लगाइएको छ ।
